शासनाकडून प्राप्त गट-अ व गट-ब संवर्गांच्या / सेवांच्या मागणीपत्रानुसार आयोगामार्फत सदर विविध संवर्ग / सेवांचा समावेश असलेल्या महाराष्ट्र नागरी सेवा राजपत्रित गट-अ व गट-ब संयुक्त पूर्व परीक्षा २०२६ (जा.क्र.१३२/२०२५) या संवर्गाच्या एकूण ८७ पदांची जाहिरात दिनांक २४ डिसेंबर, २०२५ रोजी प्रसिध्द करण्यात आली होती.

त्यात महसूल व वन विभागातील महाराष्ट्र पशुवैद्यकीय सेवेचा समावेश करण्यात आला असून पशुवैद्यकीय अधिकारी, गट-अ या संवर्गाच्या एकूण ०८ पदांचा समावेश करण्यात आला होता.

तथापि, शासन पत्र, महसूल व वन विभाग, क्रमांकः एसएफएस-६२३/ प्र.क्र.१२५/फ-८, दिनांक १५ एप्रिल, २०२६ अन्वये प्राप्त अभिप्रायानुसार, विज्ञापित ८ पदांपैकी अ.जा. प्रवर्गातील ०१ पद राखीव ठेवण्याचा निर्णय झाला असल्याने, ०८ ऐवजी ०७ पदे भरण्याबाबत कळविले आहे.

त्यानुसार पदांचा सामाजिक / समांतर आरक्षणाचा सुधारित तपशील खालीलप्रमाणे राहील:-

(दोन) महाराष्ट्र पशुवैद्यकीय सेवा परीक्षा (महसूल व वन विभाग): एकूण पदे ०७

(१) पशुवैद्यकीय अधिकारी, गट-अ (एकूण ०७ पदे)

रिक्त जागांचे प्रवर्गनिहाय सामाजिक/समांतर आरक्षणाचे विवरणपत्र खालीलप्रमाणे आहे :-

इतर महत्त्वाच्या बाबी

• २. पदसंख्या व आरक्षणामध्ये कोणताही बदल झाल्यास याबाबतचा तपशील वेळोवेळी आयोगाच्या संकेतस्थळावर प्रसिद्ध करण्यात येईल.
• ३. महाराष्ट्र नागरी सेवा राजपत्रित, गट-अ व गट-ब संयुक्त पूर्व परीक्षा २०२६ मधील पदसंख्येत बदल/सुधारणा झाल्यामुळे विषयांकित परीक्षेमधून एकूण ८६ पदांकरीता भरतीप्रक्रिया राबविण्यात येईल.
• ४. प्रस्तुत परीक्षेची मूळ जाहिरात तसेच शुद्धिपत्रकामधील इतर सर्व अटी व शर्तीमध्ये कोणताही बदल नाही.